魔幻之國
Added 2019-03-25 05:24:08 +0000 UTC尼日利亞最估唔到嘅地方係，第一我以為佢係一個回教國家，點知唔係！竟然係宗教自由國家！所以我係呢度七日，最不可思議嘅係每10條街一間天主教堂！每七條街一間基督教中心！當然每八條街都有間回教寺！但最不可思議嘅係近乎每條街個角落廣告都係宣傳基督新教聚會！而所有人都係近乎宗教狂熱！當你以為佢哋信奉基督教天主教回教，其實骨子裏又係信自己傳統嘅原始宗教巫術！其中有個城市我參觀左每一個街道係傳統迷信廟宇，充滿巫術占卜！我仲喺另一個魔幻小鎮被安排進行同巫師占卜未來！過程都相當有趣！遲啲同大家詳細報道！
